Ukraina ve Rusiyege nisbeten «Eurovision-2017» meselesinden sanktsiyalar qullanıla bile

05.05.20179:40

Ukraina ve Rusiyege nisbeten «Eurovision-2017» halqara yır yarışınıñ nizamnamesini bozuv içün sanktsiyalar qullanıla bile.

Bu aqta yarışnıñ teşkiliy komiteti reisi Frank-Diter Frayling bildirdi, dep yaza UNİAN, Heute malümatına esaslanıp.

Onıñ sözlerine köre, Ukraina bütün iştirakçilerniñ sanağa çıqmasını teminlemek kerek edi, amma Rusiye temsilcisi öyle de kelmedi.

«Ukrain noqta-i nazarından uquqiy vaziyet añlaşılğan, amma EBU noqta-i nazarından bu, nizamnameni bozuv olaraq sayıla. Nizamnameni bozuv içün sanktsiyalar bar», – dep qayd etti Frayling.

Rusiye tarafından qaide bozuvı şu ki, onıñ eyyeti temsilcileri sene başında kerekli körüşüvlerde iştirak etmedi.

Avdetniñ evel bildirgenine köre, Ukraina Havfsızlıq hızmeti «Eurovision-2017» yarışınıñ iştirakçisi Yuliya Samoylovanıñ devletke 3 yıl müddeti devamında devletke kirişini yasaq etti. Bundan soñ Avropa yayınlav birligi resmiy olaraq ilân etti ki, Rusiye «Eurovision-2017» halqara yır yarışında iştirak etmeycek. Bundan evel Rusiyede er sene «Eurovision» yarışını yayınlağan «Birinci kanal» bunı 2017 senesi yapmaqnı red etti.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET