Sudaq civarındaki Qapsihor (Morskoye) köyünde qırımtatarlar toplu yaşağan qasabanı üç avtobus silâlı uquq qoruyıcılar sarıp aldı. Yerli sakin Yusuf Toroznıñ evinde tintüv keçirile.
Bu aqta Sudaqlı faal Lenora Dülber Facebook saifesinde bildirdi.
Onıñ malümatına köre, şimdilik tintüv keçirilmesiniñ sebepleri belli degil. Tintüv keçirilgeni aqqında belli olğanından evel Sudaqtan Qapsihorğa alıp barğan yolnı uquq qoruyıcılar ile avtobuslar qapattı.
Bundan evel Lenora Dülber haber etken edi ki, Sudaq rayonındaki Qapsihor (Morskoye) ve Qutlaq (Veseloye) köylerinde politsiya hadimleri qırımtatar evlerinde reyd keçirdi.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
