Sudaq faaliniñ evinde silâ ve narkotik qıdırıldı

08.05.201712:40

Mayıs 8-de, saba erte qırımtatar milliy areketi faali, Sudaq sakini İlver Ametovnıñ evinde tintüv keçirildi.

Yerli faal Lenora Dülberniñ malümatına binaen, tintüv Federal havfsızlıq hızmeti temsilcileri tarafından keçirildi. Umumen olaraq, olar 10 adam edi, olarnıñ bir qaç danesi maskalı ve silâlı edi.

Uquq qoruyıcılarnıñ ziyareti sebebi, bu evde sanki silâ ve narkotik satılğanı aqqında bildirgen anonim mektüp oldı.

«Ayttılar: sizge hayırlısını tilegenler çoq», – dep añlattı qırımtatar faali.

Tintüv yekünlengen soñ, İlver Ametovnıñ oğlu Aqmescitke (Simferopol) alıp ketirildi.

Avdetniñ bildirgenine köre, tintüv Qapsihor (Morskoye) köyü sakini Yusuf Torozda da keçirile. Bu köyniñ qırımtatarlar toplu yaşağan qasabanı silâlı uquq qoruyıcılar sarıp aldı. Bundan evel Sudaq rayonındaki Qapsihor (Morskoye) ve Qutlaq (Veseloye) köylerinde politsiya hadimleri qırımtatar evlerinde reyd keçirdi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası