Mayıs 7-de Aqmescitte (Simferopol) keçirilgen «Balalar-balalarğa-2» hayriye kontsertinde 17 yaşındaki Arsen İslâmovnıñ tedaviylenüvine rekord miqdarında (270 biñ ruble) para cıyıldı. Kontsert «Açıq yürekler» qırımtatar göñüllileri taqımı tarafından teşkil etildi.
«Balalarğa balalıqtan adamlarğa yardım etmekni köstermek ve aşlamaq müimdir – bu, ömrümizde eñ müim işlerden biridir», – dep ayta göñülli Emine Blizarova.
Aqmescitteki Zenaat birlikleri medeniyet sarayınıñ zalı bütünley tolu edi. Kontsertte «Yıldızlar», «Teselli», «Nesil», «Ateş» bala oyun anslamblleri ve «Tebessüm» vokal taqımı iştirak ettiler. Bunen beraber, musafirlerni «Canlı ses» istidat-şou finalınıñ iştirakçileri quvandırdı.
Maliyeviy yatırımcılar ve metsenatlar ise, faqır qorantalar içün bir qaç sırağa biletlerni satın aldı.
«O qadar adam yardımğa çağıruvımızğa cevap berecegini ve qardaşımnıñ ömrü içün küreşine qoşulacağını iç beklemedik!» – dep, teşekkür bildirdi Arsen İslâmovnıñ tatası, haber ete Crimeantatars.club.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
