Mayıs 9-da, Ğalebe kününe bağışlanğan bayram merasimleri keçirilgen vaqıtta Canköyde eki yaşındaki qız coyuldı.
İçki işler nazirliginiñ Qırım Cumhuriyeti boyunca idaresi matbuat hızmetiniñ malümatına binaen, bala bir qaç saat devamında şeer bağçasında keze edi, bundan soñ, tahminen saat 20:00-de onı yerli politsiya hadimi kördi. O, qıznı politsiya bölügine alıp ketti, o yerde bala qızdırıldı ve çay ve qurabyelernen sıylandı.
Bala özü aqqında bir şey aytıp olamadı. Amma biraz vaqıt keçken soñ ana-babası bala coyulğanı sebebinden politsiyağa muracaat etti. Olar ayttılar ki, bayramnı qayd etip, bala aqqında unuttılar.
Coyulğan balanıñ ana-babasına nisbeten Rusiye Federatsiyası Memuriy qaide bozuvı aqqında kodeksiniñ 5.35-ci maddesi 1-ci qısmı (ana-babanıñ çağına yetmegen balalarını yaramay baquvı ve terbiyelevi) boyunca memuriy protokollar tizildi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
