«Eurovision-2009» ğalibi, Norvegiyalı yırcı ve çalğıcı Aleksandr Rıbak Jamalanıñ «1944» yırını kemane çalıp, icra etti ve klip çıqardı.
O, videonı Youtube kanalında paylaştı.
«Men bu yırnı sevem. İşte, onen bir şey yaptım», – dep yazdı Rıbak video tübünde.
Video paylaşılğan soñ, bir kün içinde onı 52 biñden ziyade adam seyir etti.
Jamala Rıbaknıñ nağmesine müsbet davrandı ve oña teşekkür sözlerini yazdı.
Aleksandr Rıbaknıñ tamırları Beyaz Rusiyeden kele, o, 2009 senesi «Eurovision» yarışında «Fairytale» yırınen Norvegiyanı temsil etken edi. 2009 senesi mayıs 16-da Moskvada (RF), rekordlı 387 rey alıp, Eurovision-2009 yarışınıñ ğalibi oldı.
Jamala, qırımtatar halqınıñ sürgünligi aqqındaki «1944» yırını icra etip, «Eurovison-2017» yarışında ğalebe qazandı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
