Qırımtatar ressamı ve dizayneri Ervin Seytasanov urbanistik üslüpte yapılğan URUFAT fes toplamını taqdim etti.
Dizaynerniñ sözlerine köre, URUFAT fes kollektsiyası – bu, kündelik qırımtatar urbasına yañı bir baqıştır.
«Kollektsiya üsnühat graffiti üslübinde yapılğan – üsnühat ve graffitiniñ soqaq yönelişi, urbanistik medeniyetniñ bir qısmı olıp, birleşe», – dep añlattı Ervin Seytasanov Avdet gazetasına.
Leyhanıñ esas maqsadı – qırımtatar urbasına klassik baqışı sıñırından çıqmaq, qırımtatar medeniyetini Qırım tışında populârlaştırmaq maqsadınen yañı imkânlarnı açmaqtır.
Ğaye bir qaç ay devamında işlep çıqarılğan edi, bütün iş ise, tahminen eki afta içinde yapıldı.
İcadiy körüşüv ve milliy qadın baş kiyiminiñ taqdimi mayıs 10-da YURT antiqavehanesinde keçirildi.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
Foto: Elmira İbraimova
