Mayıs 11-de, cumaaqşamı künü Kiyevde «Eurovision-2017» halqara yır yarışınıñ ekinci yarım finalı keçti.
Mayıs 13-te Kiyevde keçirilecek finalğa ekinci yarım finalnıñ 10 iştirakçisi keçti. Olarnıñ arasında Bulğaristan, Beyaz Rusiye, Hırvatistan, Macaristan, Danimarka, İsrail, Romaniya, Norvegiya, Felemenk ve Avstriya temsilcileri oldı.
Avdetniñ evel bildirgenine köre, mayıs 9-da Kiyevde «Eurovision-2017» halqara yır yarışınıñ birinci yarım finalı keçirildi. Bu basamaqta 18 yırcı iştirak etti. Seyirciler ve yarış iştirakçileri olğan devletlerniñ milliy jürileri rey bergenlerine köre, «Eurovision-2017» finalına Moldova, Azerbaycan, Yunanistan, İsveçiya, Portugaliya, Poloniya, Ermenistan, Avstraliya, Qıbrız ve Belçika temsilcileri keçti.
Ukrain yırcısı Jamala «Eurovision-2017» birinci yarım finalında sanağa çıqtı. O, eki yırnı icra etti: «Zamanili» ve «1944». Bundan soñ Jamalanıñ PR-müdiri onıñ «Eurovision» yarışında ücreti aqqındaki öşeklerge izaat berdi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
