Qırımda «Bağçasaraylı dört kişi» yaqalanğanından bir yıl tolğanı munasebeti ile dua merasimi keçirildi

12.05.201717:10

Mayıs 12-de Bağçasarayda «Hizb ut-Tahrir işi» boyunca «Bağçasaraylı dört kişi» yaqalanğanından bir yıl tolğanı munasebeti ile dua merasimi keçirildi.

Şeerniñ altıncı qasabası camisinde, cuma namazından soñ, 200-den ziyade adam toplaştı: yaqalanğanlarnıñ apayları, soy-sopları, köydeşleri, faaller, dep bildire «Qırım.Aqiqat».

Qırımtatar faali İlmi Umerovnıñ bildirgenine köre, bu munasebet ile saat 17:00-de onıñ evi azbarında daa bir dua keçirilmek kerek.

Avdetniñ bildirgenine köre, 2016 senesi mayıs 12-de Bağçasarayda rusiyeli uquq qoruyıcılar musulmanlarnıñ evlerinde, bunen beraber, yerli «Salaçıq» qavehanesinde bir sıra tintüvler keçirdi. Neticede Zevri Abseitov, Remzi Memetov, Rustem Abiltarov ve Enver Mamutov yaqalandı. Olar, Rusiyede terroristik tanılğan «Hizb ut-Tahrir» teşkilâtınen bağlı olğanında şeklenile.

«Hizb ut-Tahrir» işi boyunca yaqalanğan, davaları daa devam etken qırımtatarlar, mahkeme qararnı daa çıqarmağanına baqmadan, terrorist ve ekstremistler cedveline kirsetildi.

Foto: Qırım.Aqiqat

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET