«Eurovision-2017» finalı devamında Jamala yırlağan vaqıtta seyircilerniñ biri sanağa cıqıp, ştan çıqardı, zal ve kameralarğa çıplaq yanbaşlarını kösterdi.
Aqaynıñ omuzlarında Avstraliya bayrağı bar edi. O, ştanını çıqarğan soñ, qaravullar birden onı sanadan alıp ketti. Jamala ise, yırlamağa devam etti.
Mayıs 14-te Ukraina İçki işler nazirligi yolbaşçısı Arsen Avakov bildirdi ki, cinayetçi ukrain vatandaşı, pranker Vitaliy Sedük oldı. O, nazirniñ sözlerine köre, 72 saatqa yaqalandı ve muvaqqat bulunma taqiqat izolâtorına (SİZO) ketirildi. Yaqalanğanda aqay kişi qarşılıq kösere edi. Mayıs 15-te mahkeme 296 maddeniñ 3-ci qısmı boyunca cezalavnı belgileycek. Bu madde boyunca cinayetçi para cöremesinen cezalana ya da beş yılğa qadar apiske qapatıla bile.
«Jamalamız yırlağanda, onıñ sözlerine köre, o, öz hobbini ömürge keçirecek oldı, çünki «ğayrı resmiy şekilde tarik etici mühbir olaraq çalışa». Şimdi ise… devletniñ bu masqarası öz «hobbini» muvaqqat bulunma izolâtorınıñ apishane kamerasında ömürge keçirip olur. Amma, «hobbini» ömürge keçirip, andakilerge kötüni köstermege tevsiye etmez edim…», − dep yazdı o.
Avdetniñ bildirgenine köre, bundan evel Jamalanıñ «Eurovision» yarışında iştirak etkeni boyunca Kiyevde şamata yüz berdi. ProZorro portalı malümatnı paylaştı ki, oña köre, Jamala «Eurovision» yarışında iştirak etkeni içün 985 500 grivna alacaq. Yırcınıñ PR-müdiri Denis Kozlovskiy bu malümatnı red etti ve añlattı ki, Jamalanıñ «Eurovision» yarışında iştirak etkeni boyunca masraflar cedveli, qaysı birine onıñ ücreti olğanı aytıldı, aqiqatta onıñ üç sanalaştırmasınıñ fiyatından ibaret, yırcı ise, bedava yırlay.
Evel haber etilgenine köre, Portugaliya temsilcisi Salvador Sobral «Amar pelos dois» yırı ile Kiyevde keçirilgen «Eurovision-2017» halqara yır yarışında ğalebe qazandı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
