Ukrainada «Vkontakte» ve «Odnoklassniki» içtimaiy ağları qapatıldı

16.05.201715:45

Ukraina prezidenti Petro Poroşenko Rusiyege qarşı sıñırlatma tedbirlerini işke tüşürdi, neticede devlette bir sıra rusiyeli resurslarğa kiriş blok etilecek.

Prezidentniñ işbu fermanı ukrain Internet-provayderlerini ukrainlerge rusiyeli Internet-resurslarına kirişni qapatmağa mecbur etecek.

Yasaqlanğanlardan eñ populâr «Vkontakte» (www.vk.com) ve «Odnoklassniki» içtimaiy ağları, bunen beraber, «Mail.ru» (www.mail.ru) büyük resursı ve «Kinopoisk» (www.Kinopoisk.ru) oldı.

Bunen beraber, ukrainler «Яндекс» (www.yandex.ru) portalınıñ servislerini qullanıp olamaz. Şu cümleden, «Yandex harita», «Yandex poçta» servislerine, foto ve video bölüklerine kiriş yasaq etilecek.

Ukrain provayderleri www.kaspersky.ru ve www.drweb.ru belli resurslarını da blok etmek mecbur olacaq.

Bunen beraber, «NTV-plüs», «TV tsentr», «RBK», «TNT», «Zvezda» ve «Ren TV» telekanallarına nisbeten iqtisadiy sanktsiyalar qullanılacaq ve olarnıñ yayınlavı yasaq etilecek.

Qayd etile ki, sanktsiyalar üç yıl devam etecek.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası