Avdet gazetasınıñ baş muarririne qarşı çaqma mektübi yazıldı

17.05.201718:15

Aqmescit (Simferopol) rayon prokuraturasınıñ hadimleri Avdet gazetasınıñ baş muarriri Şevket Kaybullayevni yaqalavnen qorquza.

Bu aqta qırımtatar faali Nariman Celâl Facebook saifesinde bildirdi.

Onıñ sözlerine köre, nasıldır İvanov Şevket Kaybullayevge qarşı şikâyet etti ki, sanki o, qanunsız halq ögünde merasimlerni teşkil etmege planlaştıra.

Kaybullayevniñ bu şikâyetni köstermek muracaatı, nasıldır qanunğa esaslanıp, red etile, ve bu qanunnen tanış olmağa da imkân berilmey.

Şevket Kaybullayev, prokuratura binasında çoq vaqıt devamında bulunğan soñ, azat etildi.

Avdetniñ evel bildirgenine köre, mayıs 17-de qırımtatar faalleri İlmi Umerov, Nariman Celâl ve Lemmar Yunusov Qırım prokuraturasına çağırıldı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.