Qırımtatarlar yarımadanıñ çeşit köşelerinde sürgünlik qurbanlarını añdı

18.05.201714:00

Mayıs 18-de qırımtatarlar 1944 senesi sürgünlik qurbanlarını añıp, hatıra tahtaları ve abidelerine çiçekler qoydı ve elâk olğanlarnıñ ruhlarına dua etti.

Aqmescit (Simferopol) demiryol vokzalı yanındaki bağçada sürgünlikte elâk olğanlarnı añmaq içün yüzden ziyade adam toplaştı.

Qırım blogeri Zair Akadırovnıñ malümatına binaen, yanından keçken avtomobiller birdemlik köstermek içün sesler çıqara.

Canköyde adamlar demiryol vokzalında toplaşıp, dua etti, bu yerden 1944 senesi qırımtatarlar sürgün etildi.

джанкой 18 мая

Qurmanda (Krasnogvardeyskoye) faaller yerli cami yaqınlarında yerleşken hatıra abidesi yanında toplaştı.

курман 18 мая.

курмая 18 мая

Sudaqta da, hatıra abidesi yanında, adamlar sürgünlik qurbanlarını añmaq içün toplaştı. Qırımtatar faali Lenora Dülber bu yerden videonı paylaştı.

Yaltada hatıra abidesi yanında da qırımtatarlar toplaştı.

Foto: Zair Smedlâyev, Ernest Chelebi, video Lenora Dülber.

Evel haber etilgenine köre, Bağçasarayda faaller Qırım halqları sürgünligine bağışlanğan hatıra tahtası yanında, politsiya hadimleri ile bazı tartışmalardan soñ, dua keçirip oldı.

Avdetniñ evel bildirgenine köre, mayıs 17-deqırımtatar faalleri İlmi Umerov, Nariman Celâl ve Lemmar Yunusov Qırım prokuraturasına çağırıldı. Bundan da ğayrı, Aqmescit (Simferopol) rayon prokuraturasınıñ hadimleri Avdet gazetasınıñ baş muarriri Şevket Kaybullayevni yaqalavnen qorquzdı, onıñ adına nasıldır İvanov şikâyet mektübini yazdı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.