Kanada paytahtında qırımtatar bayrağı tiklenildi

19.05.20179:35

Mayıs 18-de Kanada paytahtı Ottavada 1944 senesi qırımtatar halqınıñ sürgünlik qurbanlarınıñ hatırasına, bunen beraber, Qırımda yaşağan qırımtatarlarnen birdemlik olğanını köstermek içün qırımtatar bayrağı tiklenildi.

Bu aqta Kanadada Ukraina elçisi Andrey Şevçenko bildirdi.

Bayraq Kanadada Ukraina elçiliginiñ teşebbüsi ile ve şeer yolbaşçısı Jim Watsonnıñ qararınen Ottava belediye sarayı yanında tiklenildi. Onı paytahtqa Kanada qırımtatar cemiyeti teslim etti.

«Kanada paytahtına bu samimiy ve simvolik areketi içün minnetdarmız. Kanadalılar, biz kibi, inana ki, yamanlıq cezalandırılmaq, adalet ğalip çıqmaq kerek…», – dep qayd etti Andrey Şevçenko.

Bu simvolik aktsiya şeer tarihında ilk sefer ve Kanada tarihında ekinci sefer keçirildi: keçken sene qırımtatar bayrağı, sürgünlik qurbanları hatırasına bağışlanıp, Torontoda tiklenildi.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

крымскотатарский флаг Торонто