Ukraina prezidenti Petro Poroşenko 2014 senesi baarde öldürilgen qırımtatar kişi Reşat Ametovğa Ukraina qaramanı unvanını berdi.
Bunı Poroşenko Ukraina Milliy operasında keçirilgen qırımtatar halqı sürgünligine bağışlanğan matem hatıra aqşamında ilân etti.
Belli ki, Reşat Ametov 2014 mart 3-te Qırım Nazirler şurası binası yanında tek kişilik sessiz piketke çıqtı. Aynı bu kün o, qaçırıldı, mart 15-te ise, Ametovnıñ cesedi zorbalıq izleri ile Qırımnıñ Qarasuvbazar (Belogorsk) rayonındaki ormanda tapıldı. Reşat Ametovnıñ apayı ve üç kiçik balası qaldı. Qırım ükümeti qırımtatar faaliniñ öldürilüvini açıqlamağa yardım etebilecek kimseni mukâfatnen taqdirleycek, dep söz berdi. Lâkin, faalni öldürgen adamlar öyle de tapılmadı.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
