Bu künleri Qırımtatar medeniyet ve tarih asabalığı müzeyinde qırımtatarlarnıñ Qırımdan sürgün etilgeninden 73 yıl tolğanı munasebeti ile «Hatıra vaqıttan daa küçlüdir» adlı sergi açıldı.
Sergide taqdim etilgen unikal vesiqalar, fotoresimler, nişanlar, medaller, cedveller, haritalar ve diger eşyalar sürgünlikte zararlanğanlar, cenk iştirakçileri ve qaramanları ile tanış olmağa imkân bere. Bu yerde qırımtatar ustalarınıñ tasviriy ve dekorativ-ameliy sanat eserleri taqdim etildi.
Sergide körmek mümkün olğan nadir eksponatlar, sürgünlik ve avdet yıllarını körip, halqınen beraber onıñ taqdirini böldi, bular, o vaqialarnıñ şaatları ola. Nesilden nesilge keçken aile degerleri, halqqa tamırlarını hatırlamağa ve onıñ diniy qıymetleri, tarihı, medeniyeti ve adetlerine dalmağa imkân bere.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
Foto: Avdet