Aqmescitteki (Simferopol) Maryino qasabasında adam çalılarda dört aylıq balanı taptı.
Yahşı ki, bala sağ edi. Şimdiki vaqıtta işbu vaqia boyunca uquq qoruyıcılar teşkerüv keçire, bundan soñ uquqiy qarar alınacaq, dep añlattılar «KİA» agentligine İçki işler nazirliginiñ Qırım baş idaresinde.
«Eki yigitni kördim, olar aytalar ki, çalılarda bebeyni taptı. Bundan soñ ösmürlerniñ biriniñ anasına çapıp bardı, vaqia aqqında añlattılar. Qadın sıcaq urba aldı ve balanı evge alıp ketti, ve vaqia aqqında politsiyağa haber etti», – dep bildirdi şaat.
Onıñ sözlerine köre, yerli sakinler balanı tez tanıdı. Onıñ ana-babası yerli çobanlar ola, sakinlerniñ añlatqanına köre, olar çoq alkogol içe. Balanıñ anasına vaqia aqqında haber etilgende o, şaşqanını kösterdi. Onıñ sözlerine köre, o, balanı «bir-eki daqqağa» qaldırdı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
