Bugün, mayıs 31-de, qırımtatar faali İlmi Umerovnıñ işi boyunca toplaşuv keçirildi.
Onıñ qızı Ayşe Umerovanıñ malümatına binaen, mahkeme toplaşuvı devamında imaye tarafınıñ bütün şefaat arizaları red etildi.
«Bu cümleden, belli Aleksandr Podrabinekniñ davağa cemaat imayecisi olaraq kirsetilüvi aqqında (dediler ki, o, şahsen bu yerde bulunmalı)», – dep yazdı o Facebook saifesinde.
Birinci toplaşuv açıq şekilde iyün 7-de saat 14:30-da Aqmescit rayon mahkemesinde (K. Marks soqağı, 17) keçirilecek.
Hatırlatamız ki, mayıs 12-de FSB taqiqatçıları İlmi Umerovğa nisbeten ekstremizm aqqında madde boyunca cinaiy iş açtırdı.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
