Qırımda regional seviyedeki «Tarhankutskiy» tabiat parkı teşkil etildi.
Alâqalı qarar Qırım ükümetiniñ Sudaqta keçirilgen toplaşuvında alındı. Vesiqa leyhası Qırım Nazirler şurasınıñ saytında yerleştirildi.
Qararda aytıla ki, bağça «Çarivna Gavan» Milliy tabiat bağçasınıñ temelinde teşkil etildi ve regional seviyedeki ayrıca qorunğan tabiat territoriyası ola.
Park tabiat kompleksini, nadir ösümlikler ve ayvanlarnı, bunen beraber, raatlıq içün tabiatta yahşı şaraitni saqlamaq içün yapıldı.
Tabiat bağçasınıñ umumiy meydanı 10900 gektarnı teşkil ete, o, Qırımnıñ Aqmeçet (Çernomorskoye) rayonında, Tarhankut yarımadasınıñ yalısında yerleşe.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
