Fevqulade vaziyetler nazirliginiñ Qırım baş idaresi yarımadada iyün 1-de furtuna havfı olacağını ilân etti.
Bu aqta müessiseniñ matbuat hızmeti bildire.
«Gidrometeorologik merkezniñ malümatına binaen, iyün 1-de Qırımda böyle ava vaziyeti beklenile: şiddetli sağanaqlar, boranlı yağmur, burçaq yağacaq, saniyede 17-22 metr suratınen yel esecek», – dep aytıla beyanatta.
Qayd etile ki, alçaq yerlerniñ suvnen basıluvı, elektrik ve bağ ağlarınıñ bozuluvı, reklama levhaları ve eski binalarnıñ yıqıluvınen bağlı fevqulade vaziyetler ola bile.
Bunen beraber, Qırım yollarında tıqanıqlıqlar ve qazalar yüz bere bile.
Avdetniñ evel bildirgenine köre, mayıs 29-da Moskvada yüz bergen furtuna neticesinde 16 adam elâk oldı: 11 Moskvada ve 5 adam şeer civarında. Tahminen 170 kişi yaralandı, olarnıñ sekizi ağır alda buluna.
Moskvada yüz bergen furtunanıñ aqibetlerini köstergen 15 şaşıracaq fotoresim.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
