Aqmescit sakinleri Lenin abidesiniñ taqdirini al etecek ola

01.06.201716:50

Bugün, iyün 1-de, «Aktivnıy Simferopol» («Faal Aqmescit») saytında Vladimir Lenin abidesiniñ Aqmescitteki aynı adlı meydandan başqa yerge keçirilmesi boyunca rey berüv açıldı.

Bu, Qırım paytahtı memuriyeti şeerniñ Lenin adına baş meydanını tamir etecek olğanınen bağlı.

«Cemaat fikrini ögrenmek içün sorav iştirakçilerine bir sualge cevap bermege teklif etile: «V.İ. Lenin abidesiniñ başqa yerge keçirilmesine qol tutasıñızmı?», – dep aytıla beyanatta.

Rey berüvde bu bağlantı vastasınen iştirak etmek mümkün.

Avdetniñ bildirgenine köre, bundan evel Aqmescit memuriyeti yolbaşçısı Gennadiy Baharev merkez şeer meydanınıñ tamirlenüvi çerçivesinde Vladimir Leninniñ abidesini başqa yerge qoymaq tekliflerini baqmağa yasaq etti.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası