Ukraina Havfsızlıq hızmeti daa bir qaç rusiyeli medeniyet erbabına devletke kirişni yasaq etti

01.06.201711:45

Ukraina Havfsızlıq hızmeti bir sıra rusiyeli medeniyet erbabına devletke kirişni yasaq etti, olarnıñ arasında Nadejda Babkina, Leonid Yarmolnik, Nikita Mihalkov, Stanislav Govoruhin, İrina Alferova, Mihail Zadornov oldı.

Bu aqta mayıs 31-de «Otpor» cemaat teşkilâtı, Ukraina Havfsızlıq hızmetiniñ cevabına esaslanıp, Facebook saifesinde bildirdi.

Bundan evel «Mirotvorets» saytındaki cedvelge Qırımda kontsertlerde iştirak etkende «Ukraina devlet sıñırını qanunsız keçkenleri» içün Diana Gurtskaya, Yuriy Loza, Yuliya Samoylova, Valeriy Leontyev, Sergey Şnurov, Stas Pyeha, Grigoriy Leps, İrina Allegrova, repçi Basta, Dima Bilan, aktör Dmitriy Pevtsov, Stas Kostüşkin, Yekaterina Varnava, bunen beraber, seyahatçı Fedor Konühov ve digerleri kirsetildi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası