İyün 3-te aqşam üç aqay kişi London köprü rayonında maşnanen piyadelerni urdı, bundan soñ, Boro bazarına barıp, o yerde avtomobilden çıqıp, keçken adamlarğa pıçaqlarnen ücüm etmege başladı.
Politsiya hadimleri terroristlerni tuttı. Yüz bergen vaqia neticesinde 48 adam hastahanege tüşti. Bundan da ğayrı, politsiya hadimleriniñ malümatına binaen, altı adam elâk oldı.
Avdetniñ evel bildirgenine köre, mayıs 22-de aqşam Mançesterdeki (Büyük Britaniya) «Mançester Arena» stadionında yırcı Ariana Grandeniñ kontserti vaqtında patlav yanğıradı. Resmiy malümatqa binaen, patlav neticesinde 22 kişi elâk oldı, tahminen 60 adam hastahanelerge tüşti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
