Gdansk universiteti (Poloniya Cumhuriyeti) ve «Qırım» fondu» hayriye teşkilâtı arasında tizilgen añlaşmağa binaen, Gdansk universiteti (GU) Ukraina vatandaşları olğan qırımtatar yaşlarına nevbetteki ihtisaslar boyunca tasil almaq içün 15-20 yer bere: idare, iqtisadiyat, siyaset ilimleri, ingliz tili, amerikanşınaslıq, Avropa birligi qanun çıqaruvı ve memuriyeti. Er ihtisasta eñ çoq 3 yer berile.
Talebelerge GU yataqhanelerinde yaşama yerleri berilecek. Bu yerde yaşamaq içün qırımtatar talebeleri Poloniya talebeleri tölegen fiyatnı töleycek.
Poloniya qaidelerine köre, bu yerde stipendiya berilmez, bunen beraber, yaşağan yerinden aliy oquv yurtuna yol masrafları ödenmez.
Poloniyada yaşamanen bağlı masraflarnı talebe özü töley (bir aylıq masraflar 250-300 avrodan ibaret).
GU-de tasil leh tilinde, bazı yönelişlerde ingliz tilinde berile. Birinci kursta leh tili kursı berile.
Gdansk universitetine kirmek içün qırımtatar abituriyentleriniñ ukrain pasportları olmalı.
Vesiqalarnı 29.05.2017 – 25.07.2017 qayd etmek mümkün. Bularnı bu elektron adresine yollamalı: study.poland.qirim@gmail.com
Tafsilâtlı malümat içün telefon nomerası: +38 (099) 713 9232 — Sinaver Kadırov
Leyha idarecileri:
Riza Şevkiyev: +38 050 324 17 7044
Sinaver Kadırov: +38 099 713 92 32.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
