Aqmescitte Mariin teatriniñ solisti Edem Umerov sanağa çıqtı

06.06.201720:55

Opera yırcısı, Mariin teatriniñ solisti Edem Umerov diger artistlernen beraber Aqmescit (Simferopol) merkeziy meydanında sanağa çıqtı.

O, Crimeantatars.club mühbirlerine bergen intervyusında añlattı ki, Qırımğa aman-aman er yıl kele.

«Soñki vaqıtları çalışqanımdan sebep çoq barıp olamayım, böyle ise, yüregim daima mında tarta, er vaqıt bu yerge kelmege isteyim», – dep ayttı Edem Umerov.

Yırcı Mariin teatrinde aman-aman 20 yıl devamında solist olıp yırlay. Onıñ arzusı, qırımtatar tilinde operanı sanalaştırmaqtır.

«Bizim zengin, muzıkal tilimiz, zengin muzıka medeniyetimiz bar, o, dünyağa Glinka, Rimskiy-Korsakov, Aleksandr Borodin kibi ulu bestekârlarnıñ eserlerini bağışladı, olar, öz eserlerinde qırımtatar folklorını qullana edi. Böyle zengin medeniyetimiz olğanda, onı qullanmamaq olmazdır», – dep emin olğanını bildirdi Umerov.

Yırcı Qırım ayatını közetmege tırışa. O, emin ki, qırımtatarlarnıñ muvafaqiyeti sabır ve maarif içindedir.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET