Aqyardaki bilbordlarda yañlış şekilde Rusiye bayrağı ve Qırımsız harita kösterildi

06.06.201714:50

Aqyarda (Sevastopol) iyün 12-de qayd etilecek Rusiye künü arefesinde şeer akimiyeti tarafından hayırlav ile bilbordlar qoyuldı, olarnıñ üstünde devlet bayrağı astı üstke çevirilip kösterilgen, em de bilborddaki haritalarda Qırım yoq.

İçtimaiy ağlar qullanıcıları birinci olıp hatanı kördi.

«Diversiyamı? Ziyankârlıqmı? Ya da Aqyar akimiyeti azalarınıñ adiy bir bilgisizligimi? Ya da «kreativ» dizaynerler mahsus hata yaptımı? Kimse bastırılmazdan evel idare etmek kerek edimi? Em de haritada Qırım iç te yoq – ğaliba, bizim evge qaytmamızğa razı olmağanlarnıñ canını ağırtmamaq içündir. Ve bu «şah eserleri» endi bütün şeerde körüne», – dep narazılıq bildire Aqyar sakinleri.

Aynı vaqıtta gubernator muavini Vâçeslav Gladkov bildirdi ki, bu vaqia boyunca iş taqiqatı alıp barıla.

«Şimdiki vaqıtta bu maketni kim işlep çıqarğanını, kim qabul etkenini ögrenip, taqiqat alıp baramız. Bu hata devlet bayramı arefesinde hoşsuz bir duyğu peyda ete», – dep bildire Gladkovnıñ sözlerini «FederalPress».

Neşirniñ malümatına binaen, umumen olaraq, şeerde çevirilgen devlet timsali resminen 30 maket yerleştirildi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET