Qırımda Aqmescitte (Simferopol) yaqalanğanlarnıñ «Hizb ut-Tahrir» davası 17 FSB taqiqatçısı tarafından taqiq etile.
Bu aqta Qırım adliyecisi Emil Kurbedinov bildirdi.
«Bu taqiq 8 ay devam ete, onı 17 FSB taqiqatçısı alıp bara. Olar, alâ daa bu işni soñuna qadar taqiq etip ve onı mahkemege teslim etip olamay», – dep qayd etti adliyeci.
Emil Kurbedinov ayttı ki, iyün 7-de Aqmescitte «Hizb ut-Tahrir» işi boyunca yaqalanğanlarnıñ apiste bulunma müddetiniñ devam ettirilmesi boyunca nevbetteki mahkeme toplaşuvı keçirildi, dep bildire «Qırım.Aqiqat».
«Mahkeme toplaşuvı açıq şekilde keçirile edi. Biz, foto ve video çıqarılsın, dep şefaat arizasını bergen edik, çünki diñleyicilerniñ çoqusı zalğa sığamadı. Mahkeme bunı red etti. Şimdi qabaatlav tarafı qayd ete ki, bu adamlar dünyada siyasiy mabuslar olaraq tanıldı, bunıñ içün olarnı yibermek mümkün degil», – dep ayttı Kurbedinov.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
