Aqmescit (Simferopol) memuriyeti yolbaşçısı Gennadiy Baharevniñ qararına binaen, bu yazda Qırım paytahtında 58 bala bağçası işini toqtatacaq.
Bu, yaz mevsiminde balalar bala bağçalarına az qatnağanınen bağlı, dep aytıla vesiqada. Bunen beraber qayd etile ki, bu vaqıt devamında bala bağçaları küz-qış mevsimine azırlanacaq.
Aqmescit bala bağçalarınıñ müdirleri yazda bala müessiselerini küz-qış mevsimi ve yañı oquv yılı işine azırlamaq kerek.
Bunen beraber, şahsiy bala bağçaları ştat rejiminde işini devam etecek, tamir ve tatil içün qapatılmaycaq.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
