Bağçasaray rayonındaki Büyük Süyren (Tankovoye) köyünde göñülliler tarafından teşkil etilgen «Köyde iftar ilk sefer» aktsiyası çerçivesinde iftar berildi.
Merasim «Açıq yürekler» göñülliler taqımı ve Qırım musulmanları diniy idaresi tarafından teşkil etildi, dep bildire Qırım müftiyatınıñ matbuat hızmeti.
İftarğa yüzden ziyade adam keldi. Musulmanlar dua etti ve berilgen iftar içün teşkilâtçılarğa teşekkür bildirdi.
Aktsiya devam ete. İyün 9-da iftar Qarasuvbazar rayonınıñ Vasilyevka köyünde, iyün 11-de Canköy rayonındaki Teñ Suv (Maslovo) köyünde keçirilecek.
Böyleliknen, bu kibi aktsiyalar Qarasuvbazar rayonınıñ Melek (Nekrasovo), Alevke (Annovka) köylerinde teşkil etildi.
Foto: «Açıq yürekler»
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
