Üç yaşındaki Elmaz Tulupovanıñ yürek hastalığı bar. Bundan da ğayrı, qıznıñ neyrofakomatoz, Reklinghauzen hastalıqları bar (adamnıñ bedeninde şişikler peyda etken, siñir sisteması ve terige zarar ketirgen hastalıq). Elmaznıñ bedeninde çoq leke bar.
Ekimler qıznı nezaret ete, amma konkret bir şey aytmay, dep bildire «CrimeanTatars Club». Qıznıñ anası Elzara Tulupovanıñ sözlerine köre, o, balasınıñ alı daa yaramay olacağını beklep oturıp olamay. Bunıñ içün Kiyevde tedaviylenüvden keçmek içün para yardımını soray, o yerde qıznı qabul etmege azırlar.
Qoranta Keriç şeerinde kirağa alınğan dairede yaşay.
Paranı Tulupova Elzara Yaqubovna adına nevbetteki bank kartına yollamaq mümkün: RNKB 2200 0202 0084 6600.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
