Aqmescitte «Tebessüm» bala ansambliniñ kontserti keçirildi

11.06.201723:50

«Tebessüm ile yaşa» – bu «Tebessüm» bala vokal ansambliniñ şiarı ola.

Belli qırımtatar bestekârı ve yırcı Server Kakuranıñ reberliginde bala taqımınıñ kontserti keçken afta Aqmescitte keçirildi.

«Tebessüm» qırımtatar folklor «Qırım» ansambli yanında teşkil etildi. Onıñ solistleri – bütün Qırımdan 5-10 yaşındaki balalardır. Ansamblge keçmek içün olar, 3 basamaqlı kastingden keçti.

9 kiçik artist seyirciler içün aqiqiy bir bayramnı taqdim etti. Kollektivniñ repertuarında esasen bala yırları bar. Olarnıñ arasında «Tebessüm ile yaşa», «Ana tilini bilsem», «Elifbe».

Balalarğa qıymetli ediye berildi – olarnıñ ilk yır cıyıntığı, dep bildire Crimeantatars.club.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.