Qırım paytahtında iyün 11-de qırımtatar faalleri tarafından teşkil etilgen iftarğa tahminen 300 adam keldi.
Merasimge milliy areket veteranları, ilim, medeniyet, sanat erbapları, mühbirler, uquq qoruyıcılar ve diger vatandaş faalleri davet etildi.
Bu yerde dua etildi, adamlar yırladı, küldi, kederlendi ve quvana edi ki, qırımtatarlarnıñ çoqusı tarihiy vatanında yaşay ve bugün olarnıñ toplaşmaq, beraber Allahqa dua etmek ve bu muqaddes Ramazan ayında biri-birinen qonuşmaq imkânı oldı.
İftar başlanmazdan evel kontsert programması taqdim etildi, artistler Qırım, qırımtatarlarnıñ tarihında facialı vaqialarğa, yani sürgünlikke bağışlanğan halq yırlarını ve ilâhiylerni icra etti, Qaradeniz Production studiyası tarafından yapılğan Güzel Qırım klipi ve belli mühbir Lilâ Bucurovanıñ «Sınoçek» («Oğlum») şiiri sözlerinen video klip seyir etildi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
