Qırımda pensioner yigitni maşnanen urıp, qaza yerinden qaçtı

12.06.201712:15

İyün 11-de gece Yedi Quyu (Lenino) rayonınıñ Qıyat (Uvarovo) köyünde qaza yüz berdi. Neticede 19 yaşındaki yigit elâk oldı.

Yol areketi havfsızlığı devlet inspektsiyasınıñ Qırım baş idaresi matbuat hızmetiniñ malümatına binaen, tahminen saat 2-de Şkolnaya soqağında «VAZ-21013» maşnasınıñ 61 yaşındaki aydayıcısı yüksek suratnen qarşı taraf yolğa çıqtı, o yerde yolda yatqan yigitni urıp keçti. 1998 senesi doğğan oğlan şu yerde elâk oldı, aydayıcı ise qaçtı.

Pensioner yaqalandı. O, qaza yerini terk etkeni içün, 15 künge qadar memuriy yaqalavnen cezalana bile, yigitniñ elâk olğanı boyunca ise, teşkerüv keçirile, onıñ neticelerine köre, «Jiguli» aydayıcısına nisbeten qarar çıqarılacaq.

Yigit ne içün yolda yatqanı şimdilik belli degil.

Bundan da ğayrı, iyün 10-da Krasnoperekopsk rayonında yüz bergen qazada dört adam zararlandı ve eki kişi elâk oldı. «Jiguli» aydatıcısı maşnanı idare etip olamadı ve avtomobil garajğa uruldı.

Zararlanğanlar Krasnoperekopsk merkeziy şeer hastahanesine ketirildi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET