İyün 12-de, saba tahminen saat 10:00-da Yujnoberejnoye şosse soqağında Massandra köyü rayonında «Etalon» yolcu avtobusı ve «Gazel» yük maşnasınıñ iştiragi ile qaza yüz berdi.
Neticede eki avtomobil avdarıldı. Avtobus içinde 27 kişi, bu cümleden 5 bala, «Gazel» yük maşnasında 2 adam bar edi.
Qaza neticesinde 9 adam zararlandı, olar, Yalta hastahanelerine ketirildi.
Vaqia şaatlarınıñ malümatına binaen, yük maşnasınıñ çanası bozuldı. Bundan soñ «Gazel» avtobusqa uruldı, qaysı biri neticede avdarıldı. Daa bir qaç metr uçıp keçip, yük maşnası da avdarıldı. Taqiqat komiteti taqiqat işlerini alıp bara. Qaza yüz bergen yerde qurtarıcılar çalışa.
Fotoresimler «Podsluşano v Yalte» pabliginden alındı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
