Aqmescit civarındaki Sarabuz (Gvardeyskoye) köyünde hastahaneniñ bala statsionar bölügi ekimler yetmemezligi sebebinden qapatıldı.
Bu aqta Qırım sağlıq saqlav naziriniñ muavini Anton Şaklunov bildirdi.
Bundan evel yarımada ükümeti tibbiy saada hadimler yetmemezligi aqqında bir qaç sefer aytqan edi.
«Mesele hadimlerniñ olmamasındadır, pensioner ekimler çalışa edi, olar işten çıqtı. Yazıq ki, şimdilik ekimler yoq. Ekimlerni tapsaq, statsionar kene de açılacaq», – dep ayttı Şaklunov.
Hastalarğa tibbiy yardım evlerge çıqqan mütehassıslar tarafından kösterile, dep qayd etti cumhuriyet bala klinik hastahanesiniñ baş ekim muavini Diana Maşkovskaya, dep yaza «Novosti Krıma».
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
