Aqmescit (Simferopol) civarındaki Aqtaçı Qıyat (Beloglinka) köyünde evlerniñ biri territoriyasına yılan kirdi ve, az qaldı, saiplerini tişleycek edi. Olar, fevqulade vaziyetler nazirligi hadimlerine muracaat etmek mecbur oldı.
Ev saibi 1,5 metrlik yılannı quvmağa tırışqan soñ, yılan oña ücüm etmege başladı. FVN hadimleri vaqia yüz bergen yerge tez kelip, onı qıdırmağa ve tutmağa başladı.
Neticede yılan yağmur içün kanalizatsiyada tapıldı, o yerde saqlanmağa tırıştı.
«Qırım qurtarıcıları yavaş etip yılannı çıqarıp oldı. Qurtaruv ameliyatı hayırlı keçti, ayvan zararlanmadı ve serbestlikke yiberildi», – dep bildirdi Fevqulade vaziyetler nazirligi.
Avdetniñ evel bildirgenine köre, keçken afta yılan Canköy tükânlarınıñ birine kirdi. O yerde onı tutmağa tırışqan politsiya hadimini tişledi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
