Alupka ve Livadiya bağçalarına kiriş bedava olıp qalacaq

14.06.201715:50

Alupka ve Livadiya bağça-park sanatı park-abidelerine ziyaretler bedava olacaq.

Bunı Qırım medeniyet naziri Arina Novoselskaya ilân etti, dep bildire nazirlikniñ matbuat hızmeti.

Böyle etip, nazir kütleviy haber vastalarında peyda olğan bağçalarğa kiriş paralı olacağı aqqındaki malümatqa izaat berdi.

«Bugünki künde bundan evel olğan qoranıñ tamiri yapıla. Bunıñ maqsadı – açıq avada ekspozitsiyalarnı, yani parklarımıznı, saqlamaqtır. Biz bağçanıñ tek içtimaiy müimligini degil de, amma onıñ sağlıqnı tüzetken hususiyetlerini bilemiz, bunıñ içün bağçalarğa kiriş paralı olacağı aqqında iç laf yürsetilmey», – dep añlattı Novoselskaya.

Avdetniñ evel bildirgenine köre, endiden soñ Qırımnıñ eñ yüksek Uçan-su adlı uçansuvı territoriyasına ve Sudaq rayonındaki Novıy Svet köyünde belli Golitsin yoluna kiriş kene de paralı olacaq.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET