Ağırayaqlı qadın kater yahtanen çatışqanından soñ balasını coydı

15.06.201713:45

«Stels-007» kateriniñ «Solaris» kezüv yahtasınen çatışmasında zararlanğan ağırayaqlı Qırım sakini neticede balasını coydı.

Taqiqat belgiledi ki, «Stels-007» kateriniñ yolcuları, bu cümleden aydayıcısı, toynıñ ekinci kününi qayd ete edi.

Zararlanğanlar arasında bu künleri evlengen yaş qoranta bar edi. Yaş apay doquz ay ağırayaqlı edi ve qazadan soñ reanimatsiyağa ketirildi; balası qurtarılmadı.

Onıñ aqayı da katerde buluna edi, amma o, azca zararlandı.

Daa çoq kater urulğan «Solaris» yahtasınıñ yolcuları zararlandı.

Yahtada turistler, bu cümleden balalar, bar edi.

Qaza neticesinde eki qadın zararlandı – şeer musafirleri Keriçke bu vaqiadan bir kün evel keldi.

Umumen olaraq, gemilerde 14 adam buluna edi, dep bildire Kerch.com.ru.

Avdetniñ evel bildirgenine köre, Keriç boğazında «Solaris» kezüv yahtası «TK 0393» suratlı katernen çatıştı. Katerniñ aydayıcısı saruş edi. Adamlarnıñ elâk oluvı boyunca cinaiy iş açıldı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET