VAZ-2108 avtomobiliniñ aydayıcısı Aqmescit (Simferopol) aylançıq yolunda MAZ köpçekleri tübüne tüşti. Qaza neticesinde yengil maşnanıñ 69 yaşındaki aydayıcısı ağır alda hastahanege ketirildi.
«Saat 10.45-te Aqmescitniñ «Şarqıy aylançıq yolunda» Pobedı caddesi tarafından Mamaq (Strogonovka) köyü tarafına ketken VAZ-2108 avtomobiliniñ aydayıcısı, burulğanda yapqan areketiniñ havfsız olğanında emin olmayıp, qarşı taraf yolda ketken MAZ avtomobilinen çatıştı. Qaza neticesinde VAZ-2108 avtomobiliniñ 1948 senesi doğğan aydayıcısı zararlandı. O, ağır alda şeer hastahanesine ketirildi. Diagnoz şimdilik belli degil», – dep bildirdi İçki işler nazirligi Qırım boyunca idaresiniñ matbuat hızmeti.
İçtimaiy ağlarda yerleştirilgen fotoresimlerde körüne ki, MAZ yük maşnası yengil avtomobilniñ kapotı ve sağ tarafını bastı, dep bildire «Krıminform».
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
