İyün 20-de, kündüz Aqmescitte (Simferopol) maşna, qaldırımğa çıqıp, dört adamnı urdı.
Qaza tahminen saat 16:30-da Sergeyev-Tsenskiy soqağında yüz berdi. Yol areketi havfsızlığı devlet inspektsiyasınıñ malümatına binaen, «Kia Rio» avtomobiliniñ aydayıcısı idare etilmegen yol çatışmasına yaqınlaşqanda «Peugeot 307» maşnasına yol bermedi.
Çatışmadan soñ Peugeot qaldırımğa çıqtı ve piyadelerni urdı: eki bala ve eki büyükni.
Qaza neticesinde 33 yaşındaki qadın ve onıñ 3 yaşındaki balası zararlandı. Anasınıñ qapalı qafa-miy yarası oldı, san kemigi qırıldı ve 8-11-ci qaburğası yaralandı. Balanıñ elleri, ayaqları ve mañlayı yaralandı.
Bunen beraber, qaza neticesinde 60 yaşındaki piyade zararlandı, onıñ büyregi yırtıldı. Daa bir çağına yetmegen piyadeniñ omuz kemikleri qırıldı ve ayağı yaralandı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
