Tünevin, iyün 22-de Yaltadaki IMAX kinoteatrinden adamlar acele şekilde tahliye etildi.
Bu aqta vaqia şaatları bildire.
Olarnıñ sözlerine binaen, tahliyeniñ sebebi kinoteatrde bomba olğanı aqqında peyda olğan malümat oldı. Amma, diger menbalarğa köre, bu, ögrenüvler oldı.
«IMAX kinosına «Transformer» premyerasına saat 18:00-ge bardıq. Saat 19:10-da bizge panikasız zalnı terk etmege muracaat etildi. Azbarğa çıqtıq ve bildik ki, IMAX kinoteatrinde bomba bar», – dep yazdı vaqia şaatı içtimaiy ağlarda.
O, qayd etti ki, seyircilerge biletler içün paranı keri almağa ya da iyün 23-te kinoğa kelmege teklif etildi.
Bunen beraber haber etile ki, vaqia yüz bergen yerde uquq qoruyıcılar ve qurtarıcılar çalışa edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
