Lvovda Qırımtatar bayrağı künü Qırım sakinlerine tilekler yazıldı

27.06.201719:40

İyün 26-da, Qırımtatar bayrağı künü, Lvov merkezinde faaller şeer qoralarınıñ birinde renkli stikerler vastasınen qırımtatarlarnıñ milliy bayrağını yaptı, er istegen adamnıñ Qırım sakinleri içün tilekler yazmaq imkânı oldı.

Bu aqta «KrımSOS» cemaat teşkilâtı tesisçilerinden biri Alim Aliyev añlattı.

«Bizim içün Qırımnen bağlı aktsiyalarğa hususan yerli ealini celp etmek müimdir. Bu yerge kelgen ve hayırlı niyeti olğan er insan Qırımğa adamlarğa tileklerini yazdı. Adamlar qırımtatar bayrağını endi tanıy, biz ise, aktsiya keçirilgen vaqıtta onıñ manasını añlatamız. Adamlar kele ve tileklerini yaza, eñ evelâ, bu, destek tilekleridir», – dep qayd etti Aliyev, bildire «Qırım.Aqiqat».

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Foto: ukrafoto.com