Sıcaqtan soñ Qırımğa boranlı yağmur kelecek

01.07.201711:25

Kelecek afta Qırımdan sıcaq ketecek, regionda boranlı yağmur yağacaq.

Bu aqta gidrometeorologiya merkezi bildire.

İyül 1-2 künleri Qırımnıñ çöl ve dağlar yanındaki rayonlarında, bunen beraber Aqmescitte (Simferopol), pek sıcaq olacaq, ava +38+40 derecege qadar qızacaq.

Fevqulade vaziyetler nazirligi iyül 1-3 künleri yanğın havfı olacağı aqqında haber etti.

Sinoptiklerniñ tahminlerine köre, iyül 4-ten başlap, Qırımda ava arareti +35 dereceni, kelecek kün ise, +29 dereceni teşkil etecek.

Bundan da ğayrı, yarımadada boranlı yağmur yağacaq, saniyede 15 metrge qadar suratınen yel esecek.

Qara deñiz suvlarınıñ arareti: Kefe (Feodosiya) +22, Aluşta +22, Qara Dağ yalısı yanında +21, Yalta +21, Aqyar (Sevastopol) +25, Kezlev (Yevpatoriya) +22. Keriç boğazında +25. Azaq deñizinde +26.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

погода

Фото аватара

Автор: Редакция Avdet

Редакция AVDET