Aqmescit yollarınıñ tamirlenüvi içün 200 million ayırıldı

04.07.201710:11

Qırım paytahtına yollarnıñ tamirlenüvi içün qoşma 213 million ruble berilecek.

Bu aqta Sergey Aksönov Facebook saifesinde bildirdi.

Onıñ sözlerine köre, bu para esas yollarnıñ tamirlenüvine sarf etilecek. Şahsiy sektor yollarını ise, eñ yaqın üç yıl devamında tamir etmege planlaştıralar. Aqmescit (Simferopol) memuriyeti noyabr 1-ge qadar alâqalı programmanı azırlamaq kerek.

Şimdiki vaqıtta Qırım paytahtı memuriyetinde yarımada Avtomobil yolları hızmeti ile beraberlikte ilk nevbette tamirge muhtac olğan 40 esas soqaq boyunca iş cedveli tizildi. İş ve soqaqlar cedveli, Aksönovnıñ bildirgenine köre, eñ yaqın vaqıtta şeer memuriyeti saytında yerleştirilecek.

Hatırlatamız ki, Aqmescit akimiyeti bu sene iyün ayına qadar çuqurlarnı tamir etip bitirmege planlaştıra edi. Buña tahminen 114 million ruble ayırıldı.

Avdetniñ evel bildirgenine köre, Qırımda belli fotograf ve faal İldar İbragimov çıqarğan videolar vastasınen yol hızmetlerine muracaat etti, videolarda Aqmescit rayonındaki yollarnıñ müthiş vaziyeti körüne.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET