Qırım siyasetçisi, yarımada parlamenti deputatı Lentun Bezaziyev iyül 5-te Qırım Yuqarı mahkemesiniñ «Çiygoznıñ işi» boyunca toplaşuvına kelmedi. O, bu toplaşuvda imaye tarafından çağırılğan şaat olaraq sözde bulunmaq kerek edi.
Bezaziyev telefonogrammanı yollap, qayd etti ki, o, mahkemege «işnen meşğul olğanı sebebinden» kelip olamay, ve onı başqa kün çağırmaqnı rica etti, dep bildire «Qırım.Aqiqat».
Bezaziyev ekinci sefer mahkeme toplaşuvına kelmey.
Bundan da ğayrı, bugün mahkeme Çiygoznıñ imayesiniñ Qırım müftisi Emirali Ablayevni sorğuğa çekmek muracaatını ekinci sefer red etti.
Hatırlatamız ki, iyül 10-da mahkeme Qırım parlamenti spikeri Vladimir Konstantinovnı sorğuğa çekmege planlaştıra.
Avdetniñ evel bildirgenine köre, iyün 28-de Qırım Yuqarı mahkemesinde yarımada milletlerara munasebetler ve sürgün etilgen vatandaşlarnıñ meseleleri boyunca Devlet komitetiniñ yolbaşçısı Zaur Smirnov qırımtatar faali Ahtem Çiygoznıñ işi boyunca şaat olaraq sorğuğa çekildi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
