İyül 8-9 künleri Qırımda ava sıcaq, bulutlı ve yağmurlı olacaq.
Bu aqta regional gidrometeorologiya merkezi bildire.
Aqmescitte (Simferopol) deñişici bulutlı ava beklenile, cumaertesi künü yağanaqlar olmaz, bazar künü kündüz yağmur yağacaq. Saniyede 7-12 metr suratınen cenüp-ğarbiy yel esecek. Ava arareti gece +13+15, kündüz +26+28 dereceni teşkil etecek.
Aqyarda (Sevastopol) da bulutlı ava beklenile, cumaertesi künü yağanaqlar olmaz, bazar ise, saba yağmur yağacaq. Saniyede 6-11 metr suratınen yel esecek. Ava arareti gece +16+18, kündüz +24+26 dereceni teşkil etecek.
Qırımnıñ cenübiy yalısında bulutlı ava, yağmur beklenile. Saniyede 7-12 metr suratınen şimal-ğarbiy yel esecek. Ava arareti gece +18+20, kündüz +25+27 dereceni teşkil etecek.
Qara deñiz suvlarınıñ arareti: Kefe (Feodosiya) +23, Aluşta +24, Yalta +25, Aqyar +20+23, Kezlev +22. Keriç boğazında +25. Azaq deñizinde +25.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.