Aqmescitte yanğın yüz berdi

14.07.201722:55

İyül 14-te aqşam Aqmescitteki (Simferopol) 7-ci şeer hastahanesi rayonında yanğın yüz berdi. Açıq territoriyada çöplük ve quru ot yandı.

İçtimaiy ağlar qullanıcıları tahminen saat 19:30-da şeer üstündeki qara tuman aqqında bildirip başladı. Olarnıñ malümatına binaen, yanğından sebep peyda olğan tuman şeerniñ çeşit rayonlarından körüne edi.

Vaqia yüz bergen yerge kelgen yanğıncılar ateşni tez söndürdi. Şimdiki vaqıtta yanğın söndürildi.

Fevqulade vaziyetler nazirliginiñ malümatına binaen, zararlanğanlar yoq. Yanğın sebepleri ögrenile.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

пожар пожар1

Фото аватара

Автор: Редакция Avdet

Редакция AVDET