Cuma künü, iyül 14-te, Qırımda boranlı yağmur ve sağanaqlar yağması, bunen beraber, saniyede 20 metr suratınen yelniñ esmesi beklenile.
Bu aqta yarımada gidrometeorologiya merkezi bildire.
Aqmescitte (Simferopol) iyül 14-te ava deñişici bulutlı olacaq ve bazı yerlerde boranlı yağmur yağacaq. Ava arareti gece +16+18, kündüz +26+28 dereceni teşkil etecek. Cumaertesi ve bazar künleri ise, yağmur beklenilmey.
Aqyarda (Sevastopol) da cuma künü deñişici bulutlı ava olacaq, saba ve kündüz yağmur yağacaq. Ava arareti gece +18+20, kündüz +25+27 dereceni teşkil etecek. İyül 15 ve 16 künleri yağanaqlar olmaz.
Qırımnıñ cenübiy yalısında ava deñişici bulutlı olacaq. Gece yağanaqlar olmaz, saba ve kündüz yağmur yağmur yağması mümkün. Ava arareti gece +22+24, kündüz +27+29 dereceni teşkil etecek.
Keriçte yağanaqlar beklenilmey. Ava arareti gece +17+19, kündüz +26+28 dereceni teşkil etecek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
