Aqmescitte hayriye master-klassı keçirilecek

24.07.201716:45

İyül 29-da «Açıq yürekler» qırımtatar göñüllileri taqımı hayriye master-klassını teşkil etecek.

Merasimde fes tikişi, akvagrim, ebru, skrapbuking, dekupaj, qoqla tikişi ve diger ustalıqlar boyunca master-klasslar berilecek.

Aktsiya saat 10:00-dan 16:00-ğa qadar nevbetteki adres boyunca keçirilecek: «Şeyh-Eli» restoranı, Aqmescit (Simferopol) ş., Oktâbrskaya soqağı, 12.

Cıyılacaq bütün para hasta balalarnıñ tedeviylenmesine teslim etilecek.

Tafsilâtlı malümat içün telefon nomerası: +7978 889 62 49.

Göñülliler ustalarnı aktsiyada iştirak etmege çağıra.

«Ustalığıñız ile paylaşmağa ve hayırlı bir iş yapmağa isteseñiz, «Açıq yürekler» taqımı iyül 29-da keçirilecek hayriye master-klassında iştirak etecegiñizden memnün olacaq!» – dep bildire göñülliler.

на 8

4 6

2

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası