Keçken sene V.İ. Vernadskiy adına Qırım Federal universitetinde (QFU) teşkil etilgen arbiy kafedra bu sene sentâbr 1-de çalışıp başlaycaq.
Bu aqta QFU matbuat hızmeti bildire.
Bu sene mayıs-iyül aylarında aliy oquv yurtunıñ 212 talebesi yedek serjantı azırlanuvı programması boyunca tasil almaq içün ariza berdi. Konkurs komissiyası 124 adamnı sayladı, olardan 108 kişiniñ arbiy kafedrağa kirecekleri tasdıqlandı, 16 kişi ihtiyatta buluna.
Kafedranıñ çalışması içün bu yerde odalar tamirlene, silâ ve arbiy tehnika içün meydançıq ve silâ saqlanacaq odalar donatıla. Talebelerge mahsus urba berilecek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
